ជនជាតិចិន​ធ្លាក់​ពី​អគារ​កម្ពស់ ២២ ជាន់ បណ្ដាល​ឲ្យ​ស្លាប់​ភ្លាម​ៗ

0
120

​ជនជាតិ​ចិន​ម្នា​ក់បាន​ធ្លាក់​ពី​អគារ​កម្ពស់​២២​ជាន់ បណ្ដាល​ឲ្យ​ស្លាប់​ភ្លាមៗ នៅ​ចំណុច​ក្រុមទី​៧ ភូមិ​១ សង្កាត់​លេខ​៣ ក្រុងព្រះសីហនុ ខេត្ត​ព្រះសីហនុ។ ​ករណីនេះ​បានកើតឡើង​នៅវេលា​ម៉ោង​៧​និង​១៥​នាទី​ព្រឹក​ ថ្ងៃទី​២៦ ខែមករា ឆ្នាំ​២០២១​។

​តាម​ការ​ឲ្យ​ដឹង​នៅ​កន្លែងកើតហេតុ ជនរងគ្រោះ​បាន​ធ្លាក់​ចេញពី​ជាន់​ទី​១៣ នៃ​អគារ​កម្ពស់​២២​ជាន់ មក​ទំ​លុះ​ដំបូល​បន្ទប់ទឹក​ផ្ទះ​ប្រជាពលរដ្ឋ​ដែល​នៅក្បែរនោះ បណ្ដាល​ឲ្យ​ស្លាប់​ភ្លាម​។​

​ពាក់ព័ន្ធ​ករណីនេះ សមត្ថកិច្ច​នៅ​មិនទាន់​បញ្ជាក់ថា​ ជា​ករណី​អ្វី​នៅឡើយ​ទេ ប៉ុន្តែ​សមត្ថកិច្ច​បាន ឃាត់​​ខ្លួន​ជនជាតិ​ចិន​ប្រុស​ស្រី​ចំនួន​៣​នាក់ ដែល​ស្នាក់នៅ​បន្ទប់​ជាមួយ​ជនរងគ្រោះ យកទៅ​ស្នងការ​នគរបាល​ខេត្ត ដើម្បី​សាកសួរ​៕​