អបអរសាទរ ស្ត្រីខ្មែរ ៣នាក់ បានជាសះស្បើយពីជំងឺកូវីដ-១៩

0
57

យកតាមការចេញផ្សាយ នៅព្រឹកថ្ងៃទី០៣ ខែកុម្ភៈ ឆ្នាំ២០២១នេះថា មិនមាន​អ្នកឆ្លងជំងឺកូវីដ-១៩ ថ្មីនោះទេ ខណៈអ្នកជំងឺ ០៣នាក់ បានព្យាបាលជាសះស្បើយ។
ក្រសួងបានបញ្ជាក់ថា អ្នកជាសះស្បើយទាំង ០៣នាក់រួមមានទី១. ស្ត្រីជនជាតិខ្មែរ អាយុ៣១​ឆ្នាំ រស់នៅឃុំស្ទឹងកាច់ ស្រុកសាលាក្រៅ ខេត្តប៉ៃលិន បានមកដល់​កម្ពុជា​នៅថ្ងៃ​ទី០២ ខែមករា ឆ្នាំ២០២១។ ទី២. ស្ត្រីជនជាតិខ្មែរ អាយុ​២៣ឆ្នាំ រស់​នៅភូមិសា​មគ្គីមានជ័យ សង្កាត់ប៉ោយ​ប៉ែត ក្រុងប៉ោយប៉ែត ខេត្តបន្ទាយមានជ័យ បានមកដល់កម្ពុជា នៅថ្ងៃទី១២ ខែមករា ឆ្នាំ២០២១។ទី៣. ស្ត្រីជនជាតិខ្មែរ អាយុ៣២ឆ្នាំ រស់នៅ​សង្កាត់ផ្សារកណ្តាល ក្រុងប៉ោយ​ប៉ែត ខេត្តបន្ទាយមានជ័យ បានធ្វើដំណើរមកពីប្រទេសថៃ មកដល់កម្ពុជា នៅថ្ងៃទី១៣ ខែមករា ឆ្នាំ២០២១។ អ្នកទាំង៣នាក់​ខាងលើនេះ ត្រូវបានព្យាបាលជាសះស្បើយ និងអនុញ្ញាតឲ្យ​ចេញពីមន្ទីរពេទ្យបង្អែក ខេត្តបន្ទាយ​មានជ័យ។
សូមជម្រាបថា គិតត្រឹមព្រឹកថ្ងៃទី០៣ ខែកុម្ភៈ ឆ្នាំ២០២១នេះ កម្ពុជាបានរកឃើញអ្នកឆ្លង​កូវីដ១៩ សរុបចំនួន ៤៦៦នាក់ ក្នុងនោះព្យាបាលជាសះស្បើយចំនួន ៤៤៧នាក់ និងអ្នកជំងឺកំពុងសម្រាក​នៅមន្ទីរពេទ្យចំនួន ១៩នាក់៕